匯豐

每一個香港人近日都關心嘅股票今日除權。手上800股合共兩手匯豐喺三年多前買入， 由每股147蚊變成現在不足40蚊，每股損失超過100蚊，總損失超過8萬蚊。跟大部份港人一樣，對匯豐有深厚感情，今日匯豐股價低殘至如此田地，實在可惜。 昨日係隻大肚匯豐推入產房之前最後一日買賣，生完仔之後隻匯豐仲值幾錢，今日自有分曉。可惜個仔（供股權）要到3月23日先跟大家見面，喺陽間玩七日之後，到 3月31日個仔就輪迴轉世投胎做另外一隻大笨象。